ჩვენ შესახებ
„მთავარი არხის“ მისია
„მთავარი არხის“ სარედაქციო პოლიტიკა არის დამოუკიდებელი, ქართული, დასავლური და ევროატლანტიკური ფასეულობების გამტარებელი და აზრის პლურალიზმზე ორიენტირებული.
ეთერი თანაბრად ეთმობა ყველა პოლიტიკურ ძალას. ხელისუფლება „მთავარ არხთან“ იმყოფება ბოიკოტის რეჟიმში. ისინი უარს ამბობენ მონაწილება მიიღონ არხის პოლიტიკურ გადაცემებში, თუმცა, იმისათვის რომ დაცული იყოს ბალანსი, საჯარო სივრცეებში არხი მაინც ახერხებს მათთან ინტერვიუების ჩაწერას და საინფორმაციო გამოშვებებში, თუ პოლიტიკურ გადაცემებში, განთავსებას.
არხის გადაწყვეტილებით ეთერი არ ეთმობა ძალადობრივ და დესტრუქციულ ძალებს, რომლებიც ღიად მოუწოდებენ ძალადობისკენ საზოგადოებას და ასევე ავრცელებენ დეზინფორმაციას საქართველოზე, ევროკავშირზე, ნატოზე და დასავლეთზე, რომელთანაც საქართველოს საერთო ფასეულობები აკავშირებს.
არხის მისიაა, მაყურებელისთვის დაბალანსებული და ობიექტური ინფორმაციის მიწოდება, ისეთი გადაცემების შექმნა, რომლებიც ხელს შეუწყობენ ქვეყანაში დემოკრატიული პროცესების განვითარებას და ევროინტეგრაციას, გამოააშკარავებენ დეზინფორმაციას, რუსულ პროპაგანდისტულ მითებს და მართებულად წარმოაჩენენ ჩვენი ევროპელი და დასავლელი პარტნიორების საქმიანობას. ასევე არხის მისიაა, სისტემატიურად დაეთმოს ეთერი, გადაცემები და რუბრიკები დემოკრატიული ღირებულებების პოპულარიზაციას, თანასწორობის საკითხებს, ადამიანის უფლებების დაცვას, ცნობიერების ამაღლებას ბავშვთა უფლებებზე და ქალთა გაძლიერების პირნციპების ხელშეწყობას.
2024 წლის აპრილიდან „მთავარ არხზე“ მოქმედებს ჟურნალისტებით, პროდიუსერებითა და დეპარტამენტების ხელმძღვანელებით დაკომპლექტებული სარედაქციო ბორდი.
ბორდის ძირითადი ფუნქცია და მიზანია არხის სარედაქციო პოლიტიკისა და მიმართულებების განსაზღვრა, პრინციპებზე შეთანხმება, სტრატეგიის ჩამოყალიბება; არხის სარედაქციო დამოუკიდებლობის გარანტის ფუნქციის შესრულება და, შესაბამისად, ნებისმიერი პირის ჩარევისგან დაცვა და პრევენცია; ჟურნალისტთა დამოუკიდებლობის საერთაშორისო სტანდარტებით ხელმძღვანელობა და ჟურნალისტური ეთიკის ნორმების დაცვაზე ზრუნვა; მაყურებლისთვის დაბალანსებული და მიუკერძოებელი ინფორმაციის მიწოდების უზრუნველყოფა; ევრო-ატლანტიკური მისწრაფებების დაცვა.
ბორდი შედგება 13 წევრისგან:
- გიორგი გაბუნია - გენერელური დირექტორი, ბორდის თავმჯდომარე
- პაატა იაკობაშვილი - წამყვანი / „მთავარი 21:00 საათზე“
- დიკო ჯოჯუა - წამყვანი / „მთავარი 21:00 საათზე“
- მიშა სესიაშვილი - წამყვანი / „პოსტ-ფაქტუმი“, „მთავარი“
- ეკა კვესიტაძე - წამყვანი / „განსხვავებული აქცენტები“, „მთავარი მსოფლიოში“
- თეო გილიგაშვილი - საინფორმაციო სამსახურის ხელმძღვანელი
- კახი ანჯაფარიძე - პოლიტიკური თოქშოუების ხელმძღვანელი
- ეკა სარია - პროდიუსერი / „პოსტ-ფაქტუმი“
- თამარ ჩანტლაძე - შემეცნებით-გასართობი გადაცემების ხელმძღვანელი
- თამთა მურადაშვილი - საერთაშორისო ადვოკატირებისა და ინსტიტუციური განვითარების დირექტორი
- თეონა ჩემია - საზოგადოებასთან ურთიერთობის, კომუნიკაციებისა და მარკეტინიკის ხელმძღვანელი
- დიმიტრი საძაგლიშვილი - იურიდიული დირექტორი
- კოტე ურუშაძე - ციფრული და ვებ დეპარტამენტის ხელმძღვანელი
„მთავარი არხი“ ეთერში გავიდა 2019 წლის 9 სექტემბერს. არხმა მცირე დროში მოახერხა ტელესივრცეში მოწინავე პოზიციის დაკავება, რაც საქართველოს ისტორიაში უპრეცედენტო შემთხვევაა.
