ქუთაისში, ავტოქარხნის დასახლებაში ახლად-რეაბილიტირებული ტერიტორია დაიტბორა. ადგილობრივების თქმით, სამუშაოები არაჯეროვნად და უხარისხოდ შესრულდა. მოქალაქეები ამბობენ, რომ გადაადგილება უჭირთ, როგორც ავტომობილით მოსარგებლეებს, ასევე ქვეითებსაც.
ადგილზე კომერციული ობიექტებიცაა განთავსებული, სადაც თავდაპირველად მომხმარებლები ადგილამდე მისვლას ხანგრძლივი რეაბილიტაციის გამო ვერ ახერხებდნენ, ახლა კი დატბორილი ქუჩის გამო ვერ მიდიან.
