ტექდათვალიერება ნათხოვარი ავტონაწილებით - ექსპერტები რეფორმის ჩავარდნაზე საუბრობენ
გამოქვეყნდა:
ქართული ტექინსპექტირება საერთაშორისო ევროპულ სტანდარტებს ვერ აკმაყოფილებს. ტექნიკური ინსპექტირების ევრო დირექტივასთან შესაბამისობის დასადგენად სპეციალური კვლევა
„ტრანსპორტისა და გზების ასოციაციამ“ ჩაატარა.
კვლევა 12 მარტიდან - 20 აპრილის პერიოდს მოიცავს და მასში საუბარია როგორც ხარვეზებზე, ისე პრივილეგირებულ კომპანიებსა და შესაძლო კორუფციის ნიშნებზე.
დავით მესხიშვილის თქმით, ხშირია ისეთი შემთხვევებიც, როდესაც ავტომანქანების მფლობელები ტექდათვალიერებისთვის მანქანების ნაწილებს თხოულობენ:
"ასე გაიარეს ყვითელმა ავტობუსებმა ინსპექტირებმა ჩვენი ინფორმაციით, როდესაც გარაჟში ხდებოდა ერთი ავტობუსის აწყობა და ინსპექტირების შემდეგ ავტონაწილების უკან დაბრუნება" - ამბობს მესხიშვილი.
ექსპერტების თქმით, ქუჩაში მრავლადაა გაუმართავი მანქანები, რაც იმას ნიშნავს, რომ ტექინსპექტირების რეფორმა შესაძლოა ჩავარდეს. მათი თქმით, სახელმწიფოს ამ კუთხით კანონის აღსრულების მექანიზმი არ აქვს.
