ნახევარფაბრიკატები, რომელთა შემცველობა ეტიკეტს არ შეესაბამება - სურსათის ეროვნული სააგენტოს მიერ ჩატარებული კვლევა საგანგაშოა. ქვეყნის მასშტაბით, არაერთი სახეობის ხორცპროდუქტი შემოწმდა. ლაბორატორიულმა კვლევამ აჩვენა რომ, ათ სახეობაში აღმოჩნდა ფრინველის ხორცი, თუმცა ამის შესახებ ინფორმაცია ეტიკეტზე მითითებული არ ყოფილა.
ეს კომპანიებია:
- შპს "თავადური" - "კატლეტი გაყინული", "გუფთა გაყინული";
- შპს "ექსტრა მითი" - "სოსისი საბავშვო";
- შპს "ხორცპროდუქტების ქარხანა ვაკე" - "სოსისი საქონლის ვაკე";
- შპს "ოს გრუპი" - "პილმენი გაყინული";
- შპს "ნიკორა" - ხინკალი სამეფო"; "სოსისი ივერია";
- შპს "ფასანაური 2010" - "ფარში ძროხისა და ღორის ხორცის";
- შპს "ხახაბო" - "გაყინული ხინკალი".
ჩატარებულმა ლაბორატორიულმა კვლევამ დაადასტურა, რომ ამ კომპანიების მიერ შექმნილ პროდუქციაში ფრინველის ხორცი აღმოჩნდა, თუმცა ეტიკეტზე ეს არ წერია.
ხორცპროდუქტებისა და ნახევარფაბრიკატების ფალსიფიკაციის გაყალბების შემთხვევები ქვეყანაში საკმაოდ ხშირია. ეს კომპანიები დახლზე ამ დრომდე გვხვდება. უცნობია, ამოიღებს თუ არა სურსათის ეროვნული საგენტო მათ გაყიდვიდან.
