ჩვენთან ერთად მოიპოვეთ თავისუფლება!
საქართველოს თავდაცვის სამინისტროს პრესსამსახურის ინფორმაციით, სავალდებულო ჯარის გაწვევის გადავადება ერთი წლის განმავლობაში 10 000 ლარით განისაზღვრა და გადავადების უფლება პირს მხოლოდ ერთხელ მიეცემა.
„გადაიხედა სავალდებულო სამხედრო სამსახურში გაწვევის მოსაკრებლის ოდენობა და ერთი წლის განმავლობაში გადავადებისთვის 10 000 ლარით განისაზღვრა. გადავადების უფლების გამოყენება პირს მხოლოდ ერთხელ შეეძლება. თანხის საშუალებით გადავადება ყველას არ შეეხება. მაგალითად, შესაძლოა, იყოს ადამიანი, ვისაც მიზეზი არ გააჩნია, თუმცა არ მოხვდეს სავალდებულო ჯარის გასაწვევთა სიაში. 10 000 ლარის სანაცვლოდ ერთი წლის გადავადების შემდეგ, ისევ მოხდება პირის გაწვევა“, - აცხადებს თავდაცვის მინისტრი ჯუანშერ ბურჭულაძე.
მისივე ინფორმაციით, ყველა წვევამდელი სამხედრო სამსახურს რომ მხოლოდ თავდაცვის სამინისტროში გაივლის:
"ჩვენ გვაქვს რესურსი, რომ წელიწადის კონკრეტულ პერიოდში მივიღოთ 4-5 ათასი სავალდებულო სამხედრო მოსამსახურე. დღეს ეს რესურსი 1000-დან 2000 ადამიანამდეა შემცირებული. ეს პრობლემა აქვს როგორც სხვა უწყებებს, ვინც ამ ეტაპამდე იღებს წვევამდელებს და ჩვენც" - ამბობს ბურჭულაძე
