იმერეთში ძლიერი ქარის გამო 70-მდე შენობა სახურავის გარეშეა დარჩენილი | არიან დაშავებულებიც
გამოქვეყნდა:
იმერეთში ძლიერი ქარის გამო 70-მდე შენობა სახურავის გარეშეა დარჩენილი. ძლიერმა ქარმა სახურავი გადახდა კორპუსებს, ადმინისტრაციულ შენობებს, საკუთარ სახლებს და დამხმარე ნაგებობებს.
ვანის მუნიციპალიტეტში კი ქარმა ხე წააქცია, რის შედეგადაც ორი ადამიანი დაშავდა. დაშავებულებიდან ერთ-ერთის მდგომარეობა მძიმე იყო, რის გამოც მას ოპერაცია ჩაუტარდა.
ასევე ქარმა დააზიანა ელექტროგადამცემი ხაზები, რის გამოც იმერეთში რიგ სოფლებს შუქი ამ დრომდე არ მიეწოდება.
ქუთაისის ნაწილს დღეს წყალიც არ მიეწოდებოდა, თუმცა საღამოს უკვე მოსახლეობის უდიდეს ნაწილს სასმელი წყლის მიწოდება აღუდგა.
იმერეთში ქარი გუშინ ღამით გაძლიერდა. სინოპტიკოსები აღნიშნულ რეგიონში ქარს მომდევნო ორი დღე პროგნოზირებენ.
