მარნეულში დავით აღმაშენებლის სახელობის სკოლა - ლიცეუმი იხურება - 150-მდე მოსწავლე შუა სემესტრში სკოლის გარეშე რჩება
გამოქვეყნდა:
ჩვენთან ერთად მოიპოვეთ თავისუფლება!
მარნეულში დავით აღმაშენებლის სახელობის სკოლა - ლიცეუმი დახურეს. ავტორიზაციის შეჩერების მიზეზად განათლების სამინისტრომ სკოლაში დახურული სპორტ დარბაზის არარსებობა დაასახელა, რასაც ადმინისტრაციის და მშობლების უკმაყოფილება მოჰყვა.
მათი თქმით, სკოლის დახურვა პოლიტიკური გადაწყვეტილებაა.
სასწავლებელმა საგანმანათლებლო საქმიანობა 8 მარტს უნდა შეაჩეროს, რაც იმას ნიშნავს რომ 150-მდე მოსწავლე შუა სემესტრში სკოლის გარეშე რჩება.
განათლების სამინისტროს პოლიტიკურ დევნაში ადანაშაულებენ სკოლის პედაგოგები და მშობლები, რომლებიც დღეს მარნეულში, რესურსცენტრის შენობასთან შეიკრიბნენ და საკუთარი უკმაყოფილება გამოხატეს.
