ვის და რატომ აცხადებს "ოცნების" რუსული კანონი უცხოეთის აგენტად | რა პროექტები ფინანსდება დასავლეთიდან საქართველოში
გამოქვეყნდა:
ჩვენთან ერთად მოიპოვეთ თავისუფლება!
მაინც ვის და რატომ აცხადებს "ქართული ოცნების" რუსული კანონი უცხოეთის აგენტად? პროპაგანდა, რომლის პირველ წყაროსთან თავად ირაკლი კობახიძე და "ოცნების" სხვა ლიდერები არიან, დაჟინებით ამტკიცებს, რომ უცხოეთიდან მიღებული ფინანსების მიზანი ქართული თვითმყოფადობის განადგურებაა, რაც, რა თქმა უნდა, ტყუილია და რაც რატომღაც სრულ თანხვედრაშია კრემლის რიტორიკასთან.
საქმე პირიქითაა, ძალიან ბევრი მართლაც საშვილიშვილო საქმე გაკეთდა სწორედ დონორებისა და საერთაშორისო დაფინანსების დახამარებით. დღეს მხოლოდ სამ ისტორიას მოგიყვებით. თუმცა მსგავსი ისტორიები უამრავია. და მოიცავს თითქმის ყველა სოციალურ ჯგუფს, ფარავს ყველაზე შორეულ რეგიონებასაც და სწვდება ლამის უკვე დაკარგულ მემკვიდრეობასაც.
