გლობალური ეკონომიკის სპეციფიკიდან და უშუალოდ ჩვენი სოციალური პრობლემებიდან გამომდინარე, საქართველოს რეგიონები ახალგაზრდებისგან ყოველდღიურად იცლება. ადამიანებს საკუთარი სახლის მიტოვება უწევთ ქალაქში სამუშაოს საპოვნელად და შვილებისთვის უკეთესი მომავლისა და განათლების შესათავაზებლად.
ახალგაზრდა პედაგოგების მცდელობა, რომელიც მშობლიურ კერას უბრუნდება და იქაური ბავშვებისთვის ცდილობს თანამედროვე ცოდნისა და მიდგომების ჩატანას, ნამდვილად ფასდაუდებელია. რამდენიმე დღის წინ სოფელ ქულბაქთან დატრიალებულმა ტრაგედიამ მთელი ლეჩხუმი შეძრა. ვინ იყო ახალგაზრდა პედაგოგი, რომელიც ერთდროულად რამდენიმე სოფლის სკოლაში ინგლისურს ასწავლიდა და სამოქალაქო პასუხიმსგებლობის პირად მაგალითსაც აძლევდა მომავალ თაობას.
