"მადლიერების აქტი" საქართველოს ევროპული მომავლისთვის მებრძოლი ადამიანებისთვის - აქცია-პერფორმანსი ქუთაისში
გამოქვეყნდა:
მადლიერების აქცია ქუთაისში - ცენტრალურ მოედანზე სამოქალაქო სექტორი იკრიბება, რომლებიც შეადგენენ ერთგვარ "მადლიერების აქტს" და ამ ფორმით გადაუხდიან მადლობას ყველა იმ ადამიანს, ვინც ბოლო დღეების განმავლობაში საქართველოს ევროპული მომავლისთვის იბრძოდა.
"ჩვენ გვინდა მადლობა გადავუხადოთ იმ ადამიანებს, ვინც ამ უკანასკნელი დღეების მანძილზე იბრძოდა საქართველოს ევროპული მომავლისთვის, თბილისსა თუ რეგიონებში. შესაბამისად, სიმბოლურად შევადგენთ მადლიერების აქტს, რომელსაც ხელს მოვაწერთ აქ შეკრებილი ადამიანები და შემდეგ თბილისში ჩავიტანთ და გამოვფენთ პარლამენტის წინ" აცხადებს აქციის ერთ-ერთი ორგანიზატორი.
