"6-7 თვეა ხელფასი არ აუღიათ, უფროსები ტელეფონს არ პასუხობენ" - ევროპაში დასაქმებული 200-მდე ქართველი 55 დღეა გაფიცულია
გამოქვეყნდა:
ევროპაში ლეგალურად დასაქმებული ქართველები 55 დღეა გაფიცულები არიან - სატვირთო მანქანების მძღოლები არადაამიანურ მოპყრობასა და მძიმე სამუშაო პირობებს აპროტესტებენ.
ისინი ამბობენ,რომ თითქმის 3 თვეა ხელფასი არ აუღიათ, დამსაქმებლები კი მათს სატელეფონო ზარებს არ პასუხობენ და არც იმას ეუბნებიან, რატომ არ უხდიან კუთვნილ ხელფასს.
"არიან აქ ბიჭები, რომლებსაც 6-7 თვეა მუშაობენ და ხელფასები არ აუღიათ და უფროსები არ პასუხობენ. არიან კატეგორია, მშიერი მუშაობენ და ერთმანეთს ვურიცხავთ რაღაც თანხებს",- ამბობენ მძღოლები.
გაფიცული ტარილერის მძღოლები ხელისუფლებისგან დახმარებას ელიან. 200-მდე გაფიცული მძღოლი ამბობს, რომ მათ საგარეო საქმეთა სამინისტროსა და საელჩოებს უკვე მიმართეს.
