თბილისში, გლდანის მე-5 მიკრო რაიონში დისტრიბუციის მანქანა სილამაზის სალონში შევარდა. შემთხვევის შედეგად 4 პირი დაშავდა.
არსებული ინფორმაციით, დისტრიბუციის მიკროავტობუსი მსუბუქ ავტომანქანას დაეჯახა, რის შემდეგაც დისტრიბუციის მანქანა იქვე არსებულ სილამაზის სალონის შესასვლელს დაეჯახა.
როგორც ცნობილია, დაშავებულებიდან ერთ-ერთი სალონში მყოფი პირია, დანარჩენები კი მსუბუქ ავტომანქანაში მსხდომები იყვნენ.
როგორც "მთავარი არხის" ვებგვერდს შსს-ში განუცხადეს, მომხდარზე გამოძიება სსკ 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს.
