"მთავარის" ინფორმაციით, მეუფე სვიმეონსა და ადგილობრივ მეწარმეს შორის დაპირისპირების მიზეზი მიწის ნაკვეთია | რა ბიზნესებს ფლობს მღვდელმთავარი
გამოქვეყნდა:
მღვდელმთავარი ბიზნესმენის წინააღმდეგ - სურამისა და ხაშურის ეპარქიაში სასულიერო პირსა და ადგილობრივ მეწარმეს შორის უმწვავესი კონფლიქტი დაიწყო. მეუფე სვიმეონი ბიზნესმენ გამრეკელს ფარისეველს უწოდებს და ამტკიცებს, რომ ქველმოქმედებას ეს ბიზნესმენი მხოლოდ პოლიტიკური მიზნებისთვის ეწევა.
თავად გამრეკელი კი მღვდელმთავარს აღსარების საიდუმლოს დარღვევაში სდებს ბრალს. რეალურად კი "მთავარი არხისთვის" დაპირისპირების ნამდვილი მიზეზი გახდა ცნობილი. ირკვევა, რომ ეპარქიის სულიერმა ლიდერმა და ადგილობრივმა მილიონერმა ბიზნესმენმა მიწის ნაკვეთი ვერ გაიყვეს, რომელიც გოგირდის აბანოებთან მდებარეობს.
