ორი ადამიანი, რომელიც მარტვილში ცოფით ინფიცირებულმა ძაღლმა დაკბინა, მკურნალობაზე უარს აცხადებს
გამოქვეყნდა:
მარტვილის საზოგადოებრივი ჯანდაცვის ცენტრის დირექტორის, როზა ჯანაშიას ინფორმაციით, ორი ადამიანი, რომელიც ცოფით ინფიცირებულმა ძაღლმა დაკბინა, უარს აცხადებს მკურნალობაზე. [ინფორმაციას "ინტერპრესნიუსი" ავრცელებს].მათ პრევენციის მიზნით ცოფის საწინააღმდეგო ვაქცინით პირველი აცრა უკვე გაუკეთდათ. ჯამში ძაღლმა მარტვილში, სხვადასხვა ადგილას 22-მდე ადამიანს უკბინა. პირველი აცრა ყველა მათგანს ჩაუტარდა. თავად ძაღლის სიკვდილის შესახებ გუშინ გახდა ცნობილი, დღეს კი გაირკვა, რომ მას ცოფი დაუდასტურდა.
