"არ გვაძლევენ კარვის ჩადგმის უფლებას... ისეთი სველები წავიდნენ მშობლები, გული მისკდება" | დედების აქციის 13-ე დღე კანცელარიასთან

შვილების გადასარჩენად უწყვეტი პროტესტი გრძელდება. აქონდროპლაზიის სინდრომის მქონე ბავშვების დედები მე-13 დღეა, მთავრობის ადმინისტრაციასთან იმყოფებიან. დედებს, რომლებიც 2 კვირაზე მეტია მთავრობის ადმინისტრაციასთან ღამეებს ათევენ, კარვების გაშლის უფლებას არ აძლევენ. 

დღეს მშობლებმა ჯანდაცვის მინისტრის მოადგილის, თამარ გაბუნიას განცხადებაზე, რომ სამინსიტროს წამლის მწარმოებელ კომპანისთან მოლაპარაკებები დაწყებული აქვს, უპასუხეს, რომ უნდა გამოსცენ განკარგულების აქტი, რომელშიც დასახელდება კონკრეტული ვადები. 

"არ გვაძლევენ კარვის ჩადგმის უფელბას, მარტო ცელოფნებით და ადიელებით. ისეთი სველები წავიდნენ მშობლები, რომ გული მისკდება ფილტვების ანთება არ დაემართოთ. ძალიან ცუდ მდგომარეობაში ვართ, მაგრამ მაინც მყარად ვართ. ბოლომდე ვიქნებით, სანამ არ დააზუსტებენ როდის შემოიტანენ წამას. გზას ჩავკეტავთ და თანამშრომლებს არ შევუშვებთ სამუშაო სივრცეში. არანაირად არ დავიშლებით, ერთმანეთს ვცვლით, ვიცავთ ჩვენს პოზიციას. თუ ასე ჯინაზე დაგვუიდგენბიან ან ვიღავ ცუდად გახდება და გავასვენებთ, ან კიდევ ბოლომდე... ჩვენ კანონიერად გვეკუთვნის ის წამალი" ,- ამბობს ეკა ჭონქაძე, აქონდროპლაზიის დიაგნოზის მქონე ერთ-ერთი ბავშვის მშობელი. 

შეგახსენებთ, რომ მშობლები კონკრეტულ დოკუმენტს ითხოვენ, რომელშიც მედიკამენტ "ვოზორიტიდის" ქვეყანაში შემოტანის თარიღი ეწერება. პროტესტის შეწყვეტას მანამდე არ აპირებენ ვიდრე, სახელმწიფო აქონდროპლაზიის მქონე 12 ბავშვისთვის საჭირო მედიკამენტს არ დააფინანსებს.