"დააკავეს ჩემი 72 წლის ბიძა... ჩემი თავის გარდა სხვა მიზეზს ვერ ვპოულობ" | ეკა კვესიტაძე
გამოქვეყნდა:
"დააკავეს ჩემი 72 წლის ბიძა... ჩემი თავის გარდა სხვა მიზეზს ვერ ვპოულობ", - ამის შესახებ ტელეწამყვანი ეკა კვესიტაძე სოციალურ ქსელში წერს. ჟურნალისტი მომხდარს მის პროფესიულ საქმიანობას უკავშირებს.
"დღეს ჭიათურის რაიონ სოფელ ხრეითში დააკავეს ჩემი 72 წლის ბიძა ბადრი ლოლაძე. რომელიც არის მარტოხელა, ავადმყოფი, სოციალურად დაუცველი, სახლი აქვს ნახევრად დანგრეული მიწისძვრისგან. ამიტომ ჩემი და პატრონობს და ზამთრობით თავის სახლში აცხოვრებს თბილისში. რამდენიმე კვირაა, რაც დათბა და სოფელში წავიდა სიმინდის და ლობიოს მოსაყვანად. ასე ცხოვრობს წლებია. დღეს დილით პატრულის ორი ეკიპაჟი დაადგა სახლში. დაბზარულ კედლებს შორის ძველი, დაჟანგული ლიმონკა იდოო და განყოფილებაში გადაიყვანეს და 72 წლის კაცი იზოლატორში გამოკეტეს. რომ ეთქვა, მამაჩემის იყო ეგ ლიმონკა არ დავაკავებდითო. მაგრამ უარყოფს ჩემი არ არისო. ახლა ვზივარ და თავს ვიტეხ, რატომ შეიძლებოდა დაეკავებინათ 72 წლის კაცი და ჩემი თავის გარდა სხვა მიზეზს ვერ ვპოულობ" - წერს ეკა კვესიტაძე.
