სტიქია გურჯაანში. ძლიერმა სეტყვამ და ქარმა რამდენიმე სოფელი, მათ შორის კოლაგი და ბაკურციხე დააზარალა. დაზიანებულია ვენახები და სასოფლო-სამეურნეო სავარგულები, ბოსტნეული და ხეხილი.
ადგილობრივების თქმით, სტიქია დაახლოებით 20 წუთი გაგრძელდა. დაზარალებულები მუნიციპალიტეტისგან შესაწამლი პრეპარატებით დახმარებას ითხოვენ.
"ცუდი ზარალია, საერთოდ გატიტლიკანავდა ხეხილი, ვენახები. 22 წუთი იყო სეტყვა", - ამბობს ერთ-ერთი დაზარალებული.
ქარმა ასევე დააზარალა სიღნაღის მუნიციპალიტეტის სოფელი ხორნაბუჯიც.
