საპატრიარქო თვითმარქვია სასულიერო პირის შესახებ ინფორმაციას ავრცელებს და მრევლს აფრთხილებს
გამოქვეყნდა:
საქართველოს საპატრიარქოს საზოგადოებასთან ურთიერთობის სამსახური, სოციალურ ქსელში თვითმარქვია სასულიერო პირის შესახებ ინფორმაციას ავრცელებს:
"ინფორმაცია თვითმარქვია სასულიერო პირის შესახებ ე. წ. მღვდელი ნიკოლოზ მამცელიძე.
სოციალური ქსელის მეშვეობით ჩვენთვის ცნობილი გახდა პიროვნების შესახებ, რომელიც, როგორ ფოტოდან ჩანს, სასულიერო პირის შესამოსლითა და ჯვრით არის წარმოდგენილი. ირკვევა, რომ იგი საზოგადოებას მღვდელ ნიკოლოზ მამცელიძის სახელით ეცნობა.
ჩვენ მიერ მოძიებული ინფორმაციის თანახმად დადგინდა, რომ აღნიშნული პიროვნება არ არის საქართველოს მართლმადიდებელ ეკლესიაში ხელდასხმული.
ამიტომ გვინდა საზოგადოება გავაფრთხილოთ, არ შევიდეს შეცდომაში და იცოდეს, რომ ამ პიროვნების ნებისმიერი ქმედება თვითნებური და დამაბრკოლებელია" - წერს საპატრიარქო.
