ბათუმში, შემწეობის მთხოვნელ მოზარდს მანქანა დაეჯახა. ინფორმაციას TV 25 ავრცელებს და წერს, რომ შემთხვევა ცოტა ხნის წინ, ბარათაშვილის ქუჩაზე მოხდა.
სასწრაფო-სამედიცინო დახმარების ცენტრში გამოცემასთან ამბობენ, რომ ბავშვი ბათუმის რესპუბლიკურ საავადმყოფოში გადაიყვანეს. პირველადი ინფორმაციით, მისი მდგომარეობა მძიმეა.
შემთხვევის ადგილზე სასწრაფო-სამედიცინო დახმარების ჯგუფთან ერთად, მობილიზებული იყო პოლიციაც.
