რუსულმა ავიაკომპანიამ Red Wings სოჭი-თბილისის პირველი რეისი შეასრულა. თვითმფრინავი Sukhoi Superjet 100 თბილისის აეროპორტში ადგილობრივი დროით 17:40 წუთზე დაჯდა. ინფორმაცია თბილისის საერთაშორისო აეროპორტზე დაყრდნობით ვრცელდება.
შეგახსენებთ, დღეს დილით პირველი რეისი შესრულდა მოსკოვი-ქუთაისის მიმართულებით. აღნიშნული რეისი გუშინ უამინდობისა და ქუთაისის საერთაშორისო აეროპორტის დაზიანების გამო გადაიდო.
ცნობისთვის, Red wings-მა საქართველოში ფრენების ნებართვა მაისში მიიღო, მაგრამ რეისების განხორციელება რამდენჯერმე გადაიდო.
