21 ივლისს ვაკის რაიონში წყალი მთელი დღით დაწყდება - ინფორმაციას კომპანია GWP ავრცელებს და წერს, რომ წყლის მიწოდების შეზღუდვა "რეზერვუარზე წყალმომარაგების სტაბილურობისთვის აუცილებელ ტექნიკურ სამუშაოებს" უკავშირდება.
კომპანიის ცნობით, წყლის მიწოდება 21 ივლისის 11:00 საათიდან 21:00 საათამდე შემდეგ ქუჩებზე შეიზღუდება: აგარაკი 1, აგარაკი 2, ავთო ვარაზის, ლეო კვაჭაძის, კეჭაყმაძის, შუამინდვრის, წმინდა წყლის ქუჩები.
