კრემლის ექსპანსიის კიდევ ერთი მტკიცებულება. ომს და მობილიზაციას გამოქცეული რუსები სულ უფრო საფუძვლიანად სახლდებიან საქართველოში. იწყებენ ბიზნესს, ყიდულობენ ქონებას და აკეთებენ ყველაფერს საკუთარი თემის გასაძლიერებლად.
"ქართული ოცნების" ხელისუფლება, რომელიც ყველანაირ კომფორტს უქმნის რუსეთიდან საკუთარი ნებით, ან შესაძლოა დავალებით დევნილებს საქართველოში ცხოვრებისა და საქმიანობისთვის, ფაქტობრივად არაფერს აკეთებს ქვეყნის ინტერესების დასაცავად. რუსების დიდი ნაწილი დღეს საქართველოში არც ქართულის სწავლით იწუხებს თავს, მენიუებსაც კი არ ბეჭდავენ ქართულად ბარებში და აფხაზეთის და ცხინვალის რეგიონის ოკუპაციაზეც ხმამაღლა სვამენ კითხვის ნიშნებს.
