ასპინძა–ახალქალაქის გზაზე გაჩერებულ მანქანას ტრაილერი შეეჯახა - არსებული ინფორმაციით, მანქანაში ბავშვიც იმყოფებოდა
გამოქვეყნდა:
ასპინძა–ახალქალაქის გზაზე დღეს ავტოსაგზაო შემთხვევა მოხდა. ინფორმაციას "სამხრეთის კარიბჭე" ავრცელებს.
თვითმხილველების თქმით გაჩერებულ „ოპელის“ მარკის ავტომობილს ტრაილერი შეეჯახა. მათივე ინფორმაციით მსუბუქ ავტომობილში მცირეწლოვანი ბავშვიც იმყოფებოდა.
„ოპელ ასტრა გზის გვერდით იყო გაჩერებული და ტრაილერი დაეჯახა. მანქანაში ოჯახი იმყოფებოდა ერთი მცირეწლოვანი ბავშვით. მცირედი დაზიანებები აღენიშნებათ“,–ამბობს თვითმხილველი.
გადაიყვანეს თუ არა დაშავებულები კლინიკაში და რა მუხლით დაიწყო გამოძიება, უცნობია.
