ე.წ. სვანების ბაზრობაზე მუყაოს ყუთებს ცეცხლი გაუჩნდა - ხანძარი ლიკვიდირებულია
გამოქვეყნდა:
ხანძარი თბილისში - ვარკეთილში, ე.წ. სვანების ბაზრობაზე ცეცხლი გაჩნდა. საგანგებო სიტუაციების მართვის ცენტრის ინფორმაციით, ცეცხლი ერთ-ერთ კონტეინერში მუყაოს ყუთებს გაუჩნდა. ადგილზე მობილიზებული იყო სახანძრო-სამაშველო ჯგუფები. მათ ცეცხლის ჩაქრობა დროულად მოახერხეს. შემთხვევისას არავინ დაშავებულია. ჯერჯერობით უცნობია, რა სახის ზარალი მიადგათ მოვაჭრეებს.
