კურორტი რომელიც ჯერ კიდევ გუშინ ერთ ერთი ყველაზე გამორჩეული ადგილი იყო, სადაც ხალხი ოჯახებით და ბავშვებით ისვენებდა, ახლა აღარ არსებობს. განადგურებულ შოვში მაშველები ამ წუთებში ეძებენ დაკარგულ ადამიანებს. ტრაგედიის ადგილისკენ უკვე მიემართებიან თავდაცვის სამინისტროს შენაერთები, ხვალიდან ოპერაციაში მაშველების დამატებითი კონტინგენტიც ჩაერთვება. საგანგებო სიტუაციების მართვის სამსახურის ინფორმაციით, დილიდან სტიქიის ზონაში დაკარგულთა ახლობლებს და ოჯახის წევრებს შეიყვანენ.
