ვუსამძიმრებთ შოვში ტრაგიკულად დაღუპულთა ოჯახებსა და მეგობრებს - იაპონიის საელჩო
გამოქვეყნდა:
იაპონიის საელჩო საქართველოში შოვში მომხდარ ტრაგედიას ეხმაურება და შოვში, მეწყრის შედეგად დაღუპულთა ოჯახებს სამძიმარს უცხადებს.
''იაპონიის საელჩო საქართველოში უსამძიმრებს შოვში დამანგრეველი მეწყერის გამო ტრაგიკულად დაღუპულთა ოჯახებსა და მეგობრებს.
იმედს ვიტოვებთ, რომ ყველა ადამიანი, ვინც ჯერ კიდევ რჩება სტიქიის ზონაში ან ითვლება დაკარგულად, სწრაფად და უვნებლად დაბრუნდება სახლში.
გამოვხატავთ ჩვენს გულწრფელ პატივისცემას მაშველების, პოლიციისა და თითოეული იმ ადამიანის მიმართ, ვინც სამაშველო და პირველადი დახმარების სამუშაოებშია ჩართული.
ასეთი ტრაგიკული მოვლენები ხაზს უსვამს ერთიანი გლობალური ძალისხმევის აუცილებლობას ბუნებრივი კატასტროფების რისკის შემცირებისა და ეფექტური რეაგირებისთვის.'' - ნათქვამია განცხადებაში.
შეგახსენებთ, ამ დროისთვის არსებული ოფიციალური ინფორმაციით, შოვში 16 ადამიანის ცხედარი იპოვეს, 20-ზე მეტის ძებნა კი გრძელდება. სამძებრო სამუშაოებში ჩართულია 400-მდე მაშველი და ორი ვერტმფრენი, პროცესში მონაწილეობენ თავდაცვის უწყების წარმომადგენლებიც.
