სარისკო ზონები იმერეთსა და კახეთში - სოფელ ზოდში მეწყერის საფრთხეა, ვანთაში კი მდინარეა ჩახერგილი
გამოქვეყნდა:
სტიქიის საფრთხე სოფელ ზოდში. მოსახლეობა დახმარებას ითხოვს. ჭიათურის სოფლიდან კადრები ვრცელდება, სადაც მიწაა ჩამოწოლილი. ადგილობრივები ამბობენ, რომ მეწყრული პროცესები უკვე დაწყებულია და ხელისუფლებას დროული რეაგირებისკენ მოუწოდებენ. ზოდელების თქმით, კომპანია "ჯორჯიან მანგანეზი" მდინარის ფერდობს საძირკველს უთხრის, ნაშენი მასალა მდინარეში ხვდება, რამაც შესაძლოა ხეობის გადაკეტვა გამოიწვიოს.
სოფლის მოსახლეობა წელიწადზე მეტია, ხელისუფლებას მოუწოდებს, რომ "ჯორჯიან მანგანეზს" მსგავსი სამუშაოების უფლება არ მისცეს, მათივე თქმით, კომუნიკაცია აქვთ კომპანიის წარმომადგენლებთანაც, თუმცა ამ დრომდე უშედეგოდ. ზოდელები მოთხოვნების შეუსრულებლობის შემთხვევაში, აქციებს აანონსებენ და ამბობენ, რომ კომპანიას ტერიტორიაზე შესვლის საშუალებას არ მისცემენ.
საშიში ზონაა ვანთისხევიც. კახეთის ამ სოფელში დიდი ხანია მდინარეა ჩახერგილი, სადაც წყლის შეგუბება მიმდინარეობს.
