სინოპტიკოსები საქართველოში გაუსაძლის სიცხეებს ელოდებიან. შესაძლოა ჰაერის ტემპერატურამ 40 გრადუსს გადააჭარბოს, რამაც მყინვარების სწრაფი დნობა და ღვარცოფული მდინარეების ადიდებაც გამოიწვიოს, ამიტომ გარემოს დამცველები ხელისუფლებას სიფრთხილისკენ მოუწოდებენ. დაავადებათა კონტროლის ცენტრი კი აფრთხილებს მოსახლეობას, მოერიდონ გარეთ გასვლას, განსაკუთრებით ის ადამიანები, ვისაც ქრონიკული დაავადებები აწუხებს.
