"ამ დროისთვის საფრთხის დონე დაბალია" - სამეგრელო-ზემო სვანეთის რწმუნებულის ადმინისტრაცია ტებენეს ხეობაზე
გამოქვეყნდა:
სამეგრელო-ზემო სვანეთის რწმუნებულის ადმინისტრაცია წალენჯიხის მუნიციპალიტეტში, მუჟავას ადმინისტრაციული ერთეულის მიმდებარედ მდინარე ტებენეს ხეობაში, მეწყერის ჩამოწოლასთან დაკავშირებით ინფორმაციას ავრცელებს.
როგორც გავრცელებულ ინფორმაციაშია ნათქვამი, ტებენეს ხეობაში არსებულ ვითარებას გარემოს ეროვნული სააგენტოს სპეციალისტები და სამეგრელო-ზემო სვანეთის სახელმწიფო რწმუნებულის ადმინისტრაციის წარმომადგენლებთან ადგილზე გაეცნენ და მათი შეფასებით, ამ დროისთვის საფრთხის დონე დაბალია
ადმინისტრაციის ცნობითვე, მზადდება ოფიციალური დასკვნაც:
გეოლოგებმა და ჰიდროლოგებმა მდინარის დამეწყრილი კალაპოტი და დაგუბებაზე არსებული ვითარება შეისწავლეს, შეფასდა სიტუაცია. მზადდება ოფიციალური დასკვნა. სპეციალისტების განმარტებით ამ დროისთვის საფრთხის დონე დაბალია.
მდინარე ტებენეს ხეობაში არსებულ ვითარებაზე ინფორმაცია ადგილობრივმა მოსახლეობამ გუშინ, 8 აგვისტოს გაავრცელა, მომხდარზე სახელმწიფო რწმუნებულის ადმინისტრაციამ მყისიერი რეაგირება მოახდინა და პროცესში გარემოს ეროვნული სააგენტო ჩართო. სააგენტოს წარმომადგენლები ინფორმაციის გავრცელების მეორე დღესვე ავიდნენ ხეობაში." ნათქვამია გავრცელებულ განცხადებაში.
