თელავში სასწრაფო დახმარების მანქანა მსუბუქ ავტომობილს შეეჯახა - არის დაშავებული
გამოქვეყნდა:
თელავში სასწრაფო-სამედიცინო დახმარების სამსახურის ავტომანქანა მსუბუქ ავტომობილს შეეჯახა.
შემთხვევა ცოტა ხნის წინ, თელავი-ყვარელი გურჯაანის დამაკავშირებელ გზაზე მოხდა.
შეჯახების შედეგად, დაშავებულია ახალგაზრდა კაცი, რომელიც მსუბუქ ავტომობილში იმყოფებოდა. ის ავტომობილიდან მაშველების დახმარებით ამოიყვანეს.
ექიმების განმარტებით, დაშავებულს მოტეხილობები აღენიშნება, ის თელავის რეფერალურ ჰოსპიტალში, ამ წუთებში გადაჰყავთ. ავტომობილში მყოფ სხვა პირებს ექიმები ადგილზე ეხმარებიან.
სასწრაფო-სამედიცინო დახმარების ავტომობილში, არავინ დაშავებულა.
შემთხვევის ადგილზე პოლიციაა მობილიზებული.
ავტორი: ია გულიაშვილი
