ქუთაისში ერთ-ერთი მაღაზიის საწყობში ხანძარი გაჩნდა - თვითმხილველების თქმით, იყო აფეთქების ხმაც
გამოქვეყნდა:
ქუთაისში, ნიკეას ქუჩაზე მაღაზიათა ქსელ "ჯიბეს" საწყობში ხანძარი გაჩნდა. თვითმხილველების თქმით, ადგილზე მათ აფეთქების ხმაც გაიგონეს.
პერიმეტრზე ამ დროისთვის ძლიერი დაკვამლიანებაა, ადგილზე კი სახანძრო-სამაშველო სამსახურები მუშაობენ.
"აფეთქების ხმა მოგვესმა, არ ვიცი რამდენად უკავშირდება ხანძარს, თუმცა გარეთ რომ გავიხედეთ, ძლიერი კვამლი იყო, როგორც ვხედავ ცეცხლი “ჯიბეს” საწყობშია", - თქვა ერთ-ერთმა თვითმხილველმა.
ხანძრის გამომწვევი მიზეზი ჯერჯერობით უცნობია.
