"ადგილი ჰქონდა მყისიერ ჩამოშლას... ამ ეტაპზე საფრთხე მინიმალურია" | გარემოს ეროვნული სააგენტო შიომღვიმეზე
გამოქვეყნდა:
"ადგილი ჰქონდა მყისიერ ჩამოშლას... ამ ეტაპზე საფრთხე მინიმალურია", - ამის შესახებ გარემოს ეროვნული სააგენტოს მიერ გავრცელებულ განცხადებაშია საუბარი, რომელიც შიომღვიმეში კლდის ჩამოშლას ეხმაურება.
გარემოს დაცვისა და სოფლის მეურნეობის სამინისტროს გარემოს ეროვნულ სააგენტოს გეოლოგების ჯგუფი შიო-მღვიმის მონასტრის მიმდებარედ იმყოფება და განვითარებულ კლდის მასის ჩამოშლის პროცესებს ადგილზე აფასებს.
პირველადი შეფასებით შიო მღვიმის მონასტრის ჩრდილოეთით, ციცაბოდ დახრილ ფერდობზე ადგილი ჰქონდა სხვადასხვა შემადგენლობის მასის (ქვიშა-ქვები, კონგლომერატები) მყისიერ ჩამოშლას. ჩამოშლილი მასა განიტვირთა მიმდებარედ არსებულ ხევში.
ამ ეტაპზე საფრთხე მინიმალურია. ადგილზე იმყოფება ყველა შესაბამისი სამსახური. უმოკლეს პერიოდში, აღნიშნულ ლოკაციაზე განხორციელდება დამატებითი გეოლოგიური კვლევები, - წერს სააგენტო.
შეგახსენებთ, რომ ცოტა ხნის წინ შიომღვიმის მონსატერთან მთა ჩამოიშალა. ფაქტის ამსახველი ვიდეოკადრები თავდაპირველად სოციალურ ქსელში გავრცელდა.
იხილეთ ასევე:
