დროებით ოკუპირებულ გუდაუთაში რუსი ტურისტებით სავსე მიკროავტობუსი ავარიაში მოყვა | არიან დაშავებულები
გამოქვეყნდა:
დროებით ოკუპირებულ გუდაუთაში რუსი ტურისტებით სავსე მიკროავტობუსი ავარიაში მოყვა. ადგილობრივი მედიის ინფორმაციით, შემთხვევა 27 აგვისტოს ღამით მოხდა და მის შედეგად 9 ადამიანი დაშავდა.
"ფსოუ-ენგურის გზატკეცილის 85-ე კილომეტრზე, სოფელ ფსირტშასთან, ერთმანეთს მერსედესისა და ტოიორას მარკის ავტომობილები შეეჯახა. ინციდენტის შესახებ სიგნალი საგანგებო სიტუაციების სამინისტრომ 02:49 საათზე მიიღო", - ნათქვამია უწყების განცხადებაში.
ცნობილია, რომ ყველა დაშავებული საავადმყოფოში გადაიყვანეს.
