ვინ გამოიძიებს "თბილსერვისის" საქმეს | ოპოზიციის მოთხოვნა პროკურატურას და აუდიტის უმძიმესი დასკვნა
გამოქვეყნდა:
აუდიტის ხმაურიანი დასკვნის საფუძველზე ოპოზიცია პროკურატურისგან გამოძიების დაწყებას მოითხოვს. საუბარია სისტემურ კორუფციასა და კანონდარღვევის ფაქტებზე, რომელიც მთავარმა მაკონტროლებელმა ორგანომ მერიას დაქვემდებარებული "თბილსერვისის" საქმიანობის შესწავლისას დაადგინა.
საბიუჯეტო სახსრები რომ არამიზნობრივად იხარჯება, კონკრეტული ფაქტებითაც დასტურდება, მაგალითისთვის საკმარისია რამდენიმე დღის წინ მოსული უხვი ნალექი. გაუმართავი სანიაღვრე სისტემების გამო, რომელზეც სწორედ "თბილსერვისია" პასუხისმგებელი, დედაქალაქი ფაქტობრივად სრულად დაიტბორა.
