ავტოსაგზაო შემთხვევა ქობულეთის შემოვლით გზაზე - დაიღუპა 3 და დაშავდა 2 ადამიანი
გამოქვეყნდა:
"ბათუმელების" ინფორმაციით, დღეს ქობულეთის შემოვლით გზაზე ერთმანეთს მსუბუქი ავტომანქანა და ტრაილერი შეეჯახა. შემთხვევის შედეგად დაიღუპა 3 ადამიანი, 2 კი დაშავდა. დაშავებულები კლინიკაში გადაიყვანეს.
გავრცელებული ინფორმაციით, დაღუპული 25 და 38 წლის კაცები თურქეთის მოქალაქეები არიან.
როგორც შინაგან საქმეთა სამინისტროში ამბობენ, საქმეზე დაწყებულია გამოძიება.
ცნობისთვის, ავტოსაგზაო შემთხვევის გამო, ქობულეთის შემოვლითი გზის ქობულეთი-ჩაქვის მონაკვეთი ამ დროისთვის გადაკეტილია.
