ლაგოდეხში, ძლიერი ქარისგან მოგლეჯილი ხე კაცს დაეცა - დაზიანდა 100- ზე მეტი სახლი
გამოქვეყნდა:
სტიქია ლაგოდეხში- ძლიერმა ქარიშხალმა და სეტყვამ ლაგოდეხის მუნიციპალიტეტის სოფლები დააზარალა. დაგლეჯილია ხეები, საცხოვრებელ სახლებზე გადახდილია სახურავები, დასეტყვილია მსხმოიარე ვენახების ერთი ნაწილი. ძლიერი ქარისგან მოგლეჯილი ხე სოფელ კაბალში ერთ- ერთ მოქალაქეს დაეცა. მამაკაცს ტვინის შერყევა და სხვადასხვა სახის მოტეხილობები აქვს და ლაგოდეხის კლინიკაში იმყოფება.
საერთო ჯამში, ძლიერი სტიქიის შედეგად ლაგოდეხის მუნიციპალიტეტის 10-მდე სოფელში, 100- ზე მეტი სახლი დაზიანდა.
ადგილობრივი თვითმმართველობიდან ინფრასტრუქტურის სამსახური წარმომადგენლებმა დაზარალებულ მოსახლეობას განუცხადეს, რომ სტიქიის შედეგების სალიკვიდაციოდ 3 თვეა საჭირო.
ავტორი: ია გულიაშვილი
