საქართველოში ავტორთა და შემსრულებელთა გლობალური ალიანსი დაფუძნდა. მას შემდეგ რაც საქართველოს საავტორო საზოგადოების წინააღმდეგ ხელისუფლებამ რეპრესიული კამპანია დაიწყო და ბაზარზე რუსული კომპანია "გერა" შემოიყვანა, საავტორო საზოგადოების წევრებმა ახალი ალიანსის დაფუძნება გადაწყვიტეს. ალიანსის წევრები იქნებიან უკრაინა, სომხეთი, აზერბაიჯანი, ყაზახეთი, უზბეკეთი და მოლდოვა. ამ ქვეყნების ნაწილში რუსულმა საავტორო საზოგადოებამ ადგილობრივ საავტორო ბაზარზე მონოპოლიის მოპოვება უკვე შეძლო. ალიანსის წევრების თქმით ორგანიზაციის მთავარი მიზანი იქნება როგორც ავტორთა უფლებების დაცვა, ასევე ბოლო დროს გაზრდილი რუსული გავლენების შეკავება.
