მამათში ჩამოწოლილმა მიწის მასამ სოფელი გარესამყაროს მოწყვიტა | ადგილობრივებმა გზა საკუთარი რესურსით გაწმინდეს
გამოქვეყნდა:
გურიაში, სოფელ მამათში, მეწყრული პროცესი დაიწყო. გუშინ ჩამოწოლილმა მიწის მასამ სოფელი გარესამყაროს მოწყვიტა. 20-მდე ოჯახმა დამაკავშირებელი გზის გაწმენდა საკუთარი რესურსით მოახერხა.
ადგილობრივები ხელისუფლებას დახმარებას სთხოვენ, რადგან გზა უკვე 5 წელია დაზიანებულია და მასზე გადაადგილება საფრთხისშემცველია, ვითარება კი მეწყრულმა პროცესმა კი კიდევ უფრო გაართულა.
"მოხუცები გვყავს, [გზა] ხელით თოხით გავაკეთეთ... ტექნიკა ვერ შემოიყვანეს, ჩახერგილი და მოწყვეტილი იყო სოფელი" - ამბობს ერთ-ერთი ადგილობრივი.
ცნობისთვის, გარემოს ეროვნული სააგენტო ამბობს, რომ გურიის მხარეში საფრთხის დონე, სტიქიის პირველ დღესთან შედარებით, შემცირებულია. შეგახსენებთ, რომ გურიაში სტიქიას 3 ადამიანის სიცოცხლე ემსხვერპლა. მათ შორის 2 ბავშვია.
იხილეთ ასევე:
