ქართველი პრინცესა და მისი ახდენილი ამერიკული ოცნება - ქეთო მიქელაძის პერსონას საბჭოთა ისტორია და კულტურა არ სცნობდა. მიზეზი მისი ძმა - კომპოზიტორი ევგენი მიქელაძეა, რომელიც 1937 წელს ჯერ აწამეს, შემდეგ კი დახვრიტეს. ცხადია, ყველა მისი ცოცხალი, გადასახლებული, თუ ემიგრაციაში წასული ნათესავი უხსენებელთა კასტაში აღმოჩნდა. სტალინური რეპრესიების მსხვერპლის დამ კი სრულიად განსხვავებული და ძალზედ საინტერესო ცხოვრება განვლო ოკეანის გაღმა, რომლის შესახებ ახლაღა ხდება ჩვენთვის ცნობილი.
