სტუდენტების დავალიანების დაფარვას დათანხმდა ყველა კერძო უნივერსიტეტი, "თავისუფალის" და "აგრარულის" გარდა, როგორც ჩანს, ამ უნივერსიტეტებს სხვა მოტივაცია აქვთ - ამილახვარი
გამოქვეყნდა:
კერძო უნივერსიტეტებს შევთავაზეთ არსებული დავალიანების ობიექტური საბაზრო ღირებულების ანაზღაურება, რასაც დათანხმდა ყველა კერძო უნივერსიტეტი, თავისუფალი და აგრარული უნივერსიტეტების გარდა. როგორც ჩანს, ამ უნივერსიტეტებს სხვა მოტივაცია აქვთ, - განაცხადა გჰანათლების მინისტრმა გავრცელებულ ინფორმაციასთან დაკავშირებით, რომ მთავრობა მისი დაპირებულის აღსრულებას, კერძო უნივერსიტეტებს სთხოვს.
ამილახვარის თქმით კერძო უნივერსიტეტებს შევთავაზეთ არსებული დავალიანების ობიექტური საბაზრო ღირებულების ანაზღაურება,
„გვქონდა კომუნიკაცია როგორც სახელმწიფო, ასევე კერძო უნივერსიტეტებთან სტუდენტთა დავალიანების განულების თაობაზე. შევხვდით ყველა სახელმწიფო და კერძო უნივერსიტეტის წარმომადგენლებთან, სადაც უკლებლივ ყველა უნივერსიტეტის რექტორმა დადებითად შეაფასა ეს გადაწყვეტილება და მათ ხელი მოაწერეს შესაბამის მემორანდუმს, რის შედეგადაც 30 000-ზე მეტ სტუდენტს დავალიანება სრულად გაუნულდება. კიდევ ერთხელ განვმარტავ, რომ სტუდენტებს არცერთი თეთრის გადახდა არ მოუწევთ და უმაღლესი საგანმანათლებლო დაწესებულებები მათ სრულად გაუნულებენ არსებულ დავალიანებას. ამ ისტორიული გადაწყვეტილების ფარგლებში კერძო უნივერსიტეტებს შევთავაზეთ არსებული დავალიანების ობიექტური საბაზრო ღირებულების ანაზღაურება, რასაც დათანხმდა ყველა კერძო უნივერსიტეტი, თავისუფალი და აგრარული უნივერსიტეტების გარდა. როგორც ჩანს, ამ უნივერსიტეტებს სხვა მოტივაცია აქვთ. ჩვენი ბაზების თანახმად, ამ ორ უნივერსიტეტს მოცემულ მომენტში ფინანსური დავალიანების გამო დაახლოებით 1000-მდე სტატუსშეჩერებული სტუდენტი ჰყავთ. მათ ამ ეტაპზე ვერ გაუნულდებათ დავალიანება, რადგან ამ უნივერსიტეტებს თანამშრომლობა არ სურთ“, - აცხადებს მინისტრი ამილახვარი.
ღარიბაშვილი სტატუსშეჩერებულ სტუდენტებს 15 სექტემბერს დაპირდა, რომ დავალიანება გაუნულდებოდათ.
