წალენჯიხის სოფელ ეწერფერდის მოსხალეობა უგზოობას აპროტესტებს - ადგილობრივებმა მესტიისკენ მიმავალი გზა გადაკეტეს
გამოქვეყნდა:
წალენჯიხის სოფელ ეწერფერდის მოსახლეობა უგზოობასა და უწყლობას აპროტესტებს. ცოტა ხნის წინ ადგილობრივებმა მესტიისკენ მიმავალი გზა გადაკეტეს.
სოფელი ჭალეს თემშია, რომელიც საოკუპაციო ხაზთან მდებარეობს.
ადგილობრივები ამბობენ, რომ წლებია გზა არ აქვთ, რის გამოც სოფელში ვერ მიდის სასწრაფო დახმარების მანქანა, ბავშვები ვერ მიჰყავთ სკოლაში, რადგან მიკროავტობუსს გადაადგილება უჭირთ. სოფელში არ აქვთ სასმელი წყალიც. მოსახლეობა ამბობს, რომ წლებია ადგილობრივ ხელისუფლებას მიმართავენ, თუმცა უშედეგოდ.
ადგილზე იმყოფება წალენჯიხის მერი და მისი მოადგილე. მერი განმარტავს, რომ გზა ცენტრალურმა ხელისუფლებამ რეგიონული ფონდიდან უნდა გააკეთოს. ადგილობრივი ხელისუფლება ამბობს, რომ მთავრობა პრობლემასთან დაკავშირებით ინფორმირებულია.
მოგვიანებით ცნობილი გახდა, რომ პოლიციამ ორი პირი დააკავა ადმინისტრაციული წესით, თუმცა შინაგან საქმეთა სამინისტროში გვითხრეს, რომ ორივე ხელწერილის საფუძველზე გათავისუფლდა.
ავტორი: ემა გოგოხია.
