ანაკლიის ხიდი ავარიულ მდგომარეობაშია. ადგილობრივი მოსახლეობა დახმარებას ითხოვს. ამბობენ, რომ ხიდის მდგომარეობა საგანგაშოა და ის საფრთხისშემცველია როგორც ადგილობრივებისთვის, ისე ტურისტებისთვის.
მათივე თქმით, ანაკლიაში ვითარება ბოლო დროს სულ უფრო უარესდება - გაჩერებულია მშენებლობები, მოუწესრიგებელია ინფრასტრუქტურა, და ყოველი წვიმისას, ადგილობრვების სახლებში სანიაღვრე არხებიდან წყალი შედის.
მოსახლეობა ქალაქის ბიუჯეტის გაზრდას ითხოვს - ამბობენ, რომ ეს აუცილებელია რომ ანაკლია ისევ ტურისტებისთვის მიმზიდველი ზონა გახდეს.
ავტორი: ემა გოგოხია
