ხობის მუნიციპალიტეტში საცხოვრებელი სახლი იწვის.
ადგილზე სახანძრო-სამაშველო სამსახურის თანამშრომლები მაშინ მივიდნენ, როდესაც სახლი მთლიანად ალმოდებული და ჩანგრეული იყო. ამ წუთებში ისინი ცეცხლს აქრობენ.
შემთხვევის შედეგად არავინ დაშავებულა. სახლში დედა და მისი 3 მცირეწლოვანი ბავშვი იმყოფებოდნენ. მან ბავშვების სახლიდან გამოყვანა მოახერხა.
ხანძრის გამომწვევი მიზეზი ჯერჯერობით უცნობია.
ოჯახი დახმარებას ითხოვს, რადგან ალტერნატიული საცხოვრებელი არ გააჩნიათ. ადგილზე ადგილობრივი ხელისუფლების წარმომადგენლები ჯერჯერობით არ გამოჩენილან.
ავტორი: ემა გოგოხია
