უპატრონო ძაღლზე ძალადობის შემზარავი ისტორია. ბაღდათში - სავარაუდოდ მოზარდების მიერ ბლაგვი საგნით ნაცემი ძაღლი რთული ოპერაციის შემდეგ ჯერ კიდევ კლინიკაშია. მედიკოსები მეორე დღეა ცხოველის გადარჩენას ცდილობენ. ამ ისტორიის გახმაურების შემდეგ გავრცელდა მცდარი ინფორმაცია თითქოსდა ძაღლს პირში პიროტექნიკა აუფეთქდა - რაც მოგვიანებით არ დადასტურდა. ცხოველს მრავლობითი დაზიანებები აქვს, რაც ძირითადად მოტეხილობებით გამოიხატება. ცხოველთა უფლებების დამცველები მოძალადეების გამოვლენას და კანონმდებლობის გამკაცრებას მოითხოვენ.
