ბიძინა ივანიშვილი ბოლო 10 წლის განმავლობაში რეკორდულად გამდიდრდა. ოლიგარქის ქონებამ წელს ყველაზე მაღალ ნიშნულს, 6 მილიარდ დოლარზე მეტს მიაღწია.
"ბლუმბერგის" მილიარდერების ინდექსის მიხედვით, ოლიგარქის ქონება ინდექსის აღრიცხვიდან ყველაზე დიდია და ის წინა წელთან შედარებით, 855 მილიონი დოლარითაა გაზრდილი.
Bloomberg-ის მონაცემებით, ივანიშვილმა ყველაზე მდიდარი ადამიანების სიაში 411-ე ადგილიდან, 396-ე ადგილზე გადაინაცვლა.
გამოცემა "ქართული ოცნების" დამფუძნებლის ქონებას 2013 წლიდან აფასებს.
