საქართველოს რკინიგზის ინფორმაციით, ამ დროისთვის ლიანდაგები გაწმენდილია და სამგზავრო მიმოსვლა 8 თებერვლის დილიდან განახლდება.
"ძვირფასო მგზავრებო! საქართველოს რკინიგზის თანამშრომლების თავდაუზოგავი შრომის შედეგად, ლიანდაგები სრულად გაწმენდილია და ხვალ დილიდან განახლდება სამგზავრო მიმოსვლა", - წერს რკინიგზა.
შეგახსენებთ, რომ სარკინიგზო მიმოსვლა უამინდობის და სტიქიის გამო 6 თებერვლის საღამოს შეფერხდა, რის შემდეგაც არაერთი რეისი გაუქმდა.
