ფაჩხის წყალი დააგუბა მეწყერმა და მოდის მდინარისკენ. დიდი მასაა ჩამოწოლილი - ინფორმაციას და ვიდეოკადრებს ამის შესახებ სოციალურ ქსელში ადგილობრივი, ნუგზარ ნუგო გორგილაძე ავრცელებს.
ხულოში არსებულ ვითარებასთან დაკავშირებით, ინფორმაციას ავრცელებს ხულოს მუნიციპალიტეტის მერიაც. თვითმმართველობის ინფორმაციით, მეწყრული პროცესები ღამის 2 საათიდან დაიწყო და ევაკუირებულია 35 ოჯახი. დაშავებული არავინაა:
"სოფელ ყინჩაურში დარიკო ცეცხლაძისა და ლევან შაინიძის საცხოვრებელი სახლების მიმდებარედ მეწყერი განვითარდა
მეწყრული პროცესები ღამის 2 საათიდან დაიწყო და მთელი ღამის განავლობაში გრძელდებოდა. უბედური შემთხვევის შედეგად არავინ დაშავებულა. მეწყრული კერის არეალში მცხოვრები ოჯახების გაყვანა დროულად მოხეხრხდა უსაფრთხო ადგილას. მეწყერმა დააზიანი სოფელ ყინჩაურში არსებული სამანქანე ხიდი და მიმდებარე ტერიტორია.
ამდროისთვის აღნიშნულ მონაკვეთზე საავტომობილო მოძრაობა შეზღუდულია. მოძრაობის აღდგენის მიზნით, მალე დაიწყება საჭირო ღონისძიებები.
მთელი ღამის განმავლობაში, ადგილზე იმყოფებოდა მუნიციპალიტეტის მერი ვახტანგ ბერიძე, პირველი მოადგილე ნადიმ ვასაძე, აჭარის საავტომობილო გზების დეპარტამენტის, პოლიციისა და სამაშველო სამსახურის წარმომადგენლები.
ამდროისათვის, მუნიციპალიტეტის მასშტაბით სხვადასხვა სტიქიური კერებიდან 35 ოჯახია გაყვანილი უსაფრთხო ადგილას.
მუნიციპალიტეტის მერია და ყველა შესაბამისი სამსახური მუშაობას აგრძელებს საგანგებო რეჟიმში. მერიაში, 24 საათიან რეჟიმში მოქმედებს ცხელი ხაზი 551 00 52 72" - ნათქვამია მერიის ინფორმაციაში.
