ქობულეთში, სოფელ ხუცუბანში ტურისტი ხიდიდან გადავარდა. თვითმხილველების ინფორმაციით, იგი თაღოვან ხიდზე ველოსიპედით სეირნობდა, რა დროსაც შემთხვევა მოხდა.
დაშავებული სასწრაფო-სამედიცინო დახმარების ჯგუფმა ქობულეთის "ევექსის" კლინიკაში გადაიყვანა. სამედიცინო დაწესებულების ინფორმაციით, 40 წლის ქალს მრავლობითი დაზიანება აქვს და ამ წუთებში, გამოკვლევები უტარდება.
დაშავებული ბელარუსის მოქალაქეა.
ავტორი: თეა ვაშალომიძე
