საქართველოდან სასწავლებლად საზღვარგარეთ გაგზავნილი სტუდენტების რაოდენობა გაიზარდა
გამოქვეყნდა:
საქართველოდან სასწავლებლად საზღვარგარეთ გაგზავნილი სტუდენტების რაოდენობა გაიზარდა. ამის შესახებ ინფორმაციას სტატისტიკის ეროვნული სამსახური ავრცელებს.
მონაცემების თანახმად, 2023-2024 სასწავლო წელს საზღვარგარეთ სასწავლებლად ქვეყნიდან 879 სტუდენტი გაიგზავნა. 2022-2023 სასწავლო წელს კი სტუდენტების რაოდენობა 723 იყო. 2023-2024 წლებში საქართველოდან გაგზავნილი 879 სტუდენტიდან ყველაზე მეტი, 23.7% გერმანიაში გაემგზავრა.
კერძოდ, ქვეყნების ათეული ასეთია:
- გერმანია - 208 სტუდენტი;
- პოლონეთი - 72 სტუდენტი;
- ლიეტუვა - 64 სტუდენტი;
- თურქეთი - 62 სტუდენტი;
- იტალია - 62 სტუდენტი;
- საფრანგეთი - 58 სტუდენტი;
- აშშ - 47 სტუდენტი;
- ესპანეთი - 46 სტუდენტი;
- ავსტრია - 41 სტუდენტი;
- უნგრეთი - 22 სტუდენტი.
