წალენჯიხაში, ჯგალი-მუხურის კვეთაზე, ეკალ-ბარდებს ცეცხლი უკიდია. ადგილზე სახანძრო-სამაშველო სამსახურის წარმომადგენლები მუშაობენ.
ცეცხლი დაახლოებით ათ ჰექტარზეა გავრცელებული. ხანძრის სავარაუდო მიზეზი კი მოქალაქის დაუდევრობა გახდა.
საგანგებო სიტუაციების მართვის სამსახურის ცნობით, მეხანძრე-მაშველები ხანძრის ლიკვიდირებას ცდილობენ. როგორც მათ "მთავარი არხის" ვებგვერდს გვითხრეს, ამ ლოკაციასთან ახლოს არც დასახლებული პუნქტია და არც ტყის მასივი.
განახლება: დილის 8 საათის მონაცემებით, ცეცხლი ლიკვიდირებულია.
ავტორი: ემა გოგოხია
